آسف أنا في جيتي لك تسرعت
ظنيت الاقي فيك شي فقدته
كنت احسبك مجروح مثلي تولعت
جربت فرقى شخص قلبك وهبته
كنت احسبك من مر جرحك تجرعت
حبيت فيك احساس طفل لمحته
لو قلت آآآآه بوسط روحي توجعت
ولو شفت دمعاتك شعوري سكبته
ولو تطلب عيوني أبد ماتمنعت
واعطيك قلبي لو بعد ماطلبته
وصلت بك أعلى مكان وتربعت
وفي قلب غيري يالغضي ماوصلته
وأصبر على صدك وأشوفك تدلعت
وأعطيك ود وما أظنك حسبته
اذهلتني بطباعك اللي تطبعت
حتى قصيدي فيك أبد مافهمته
لوكان غايتك حروفي فأنا بعت
وأفرح بجرح الشاعر اللي جرحته
أرجوك من صدك تراني تشبعت
خلك مع اللي عاجبك أوعجبته
يكفي قهر في جيتي لك تواضعت
تركت غيرك لجل عينك وبعته
ياليتني عن حب مثلك ترفعت
ياليت قلبي قبل أعرفك دفنته
لكن أبي أبعد دامني بك توهقت
الله يرحم حبنا اللي ذبحته
أنا شريت الود والحين أنا بعت
وأنا عطيتك قلبي اللي قهرته
في يوم جيتك أطلب ود وأقنعت
نفسي بأنك شخص عادي عرفته
كمل حياتك مثل ماأنا توقعت
تبقى أسير الماضي اللي فرضته
ولا يحزنك اني جبان وتراجعت
حولك بدالي الف شخص عجبته
أما أنا لايمكن أخضع ولاطعت
يحرم علي أعطيك قلبٍ خذلته
باريحك من شوفتي يوم قاطعت
اسلوبك اللي به تجامل كرهته
غلطان يالمقفي أنا ماتتبعت
غيرك يتابع خطوتي ماتبعته
ماينحني راسي لوأنت تقطعت
وماهوب أنا من لا رميته لقطته
وان كان غرك حكي عذالك وطعت
الله يعلم كيف قلبي سكنته
اللي ملا قلبك علي وتسمعت
خله يعوض شخص مثلي خسرته
أنا بما فيه الكفايه
تولعت
واللي بقى من قلب فيني حرقته
وان شفتني صدفه بعينك تطلعت
ذكرتني بإنسان غالي فقدته
بأول لقاء سلمته احساسي وضعت
غلطة حياتي يوم قلبي سلبته
واستسمحك فالبعدكاني تراجعت
ماعاد ابلقى فيك شي فقدته
طبعك مثل غيرك وطبعي كما كنت
أحب شخص ولا تركته تركته
